kuch hai jo har samay lagta hai ki kam hai

Pr pta hi nahi chalta mujhe khud ki kya hai

Sahi se hisaab hi nahi laga pati ki sab kuch hote hue v aisa kya hai jo baki rah gaya hai

Ya mujhe hi aisi galatfahmi hai ki sab kuch hai

Jane kiski haay lag gayi hai mujhe

 Aurat hi aurat ki dost hoti hai

Mai is bat ko poorn roop se nakarti hoon ki aurat, aurat ki dushman hoti hai...

Maine dekha hai aurato ko ek dusre ki madad karte hue kabhi jane kbhi anjane

Hamesa ek aurat hi dusri aurat ki sangini sathi rahi hai...kabhi dost ban kar jisne school me hone wale programm ke liye apki ki choti bnayi hogi ya phir apko saree pehnayi hogi ya phir ho sakta hai apne baalo me lagi hui clip apko thamayi hogi...

Aurat hi toh hai jo ek dusri aurat ka wo har dard samajh sakti hai jo use periods me hua ho... Koi aurat hi hogi jisko pta hoga ki ek bacha janm dene me dusri aurat ko kitni hi bar bistar se uthne me, karwat badalne me takleef hoti h... Ek aurat hi delivery ka dard samjh sakti hai...

Aurat kaise ek dusre ki dushman ho sakti hai jab usne kayi bar apke bache ko chot lagne phunk mar ke uska dard kam kia hoga...

Kayi bar jab bazar me apki bra ki strap dikhne par dusre log ghurne na lage, isse v bachaya hoga.... Maa behan Saas kisi v roop me kayi br apke na hone pe apke ghar ki dekhbhal, apke bacho ki dekhbhal v ki hogi.... Kabhi nanad ban kr kisi party me jane ke liye kon si saree pehan lu is uljhan ko v suljhaya hoga... Jab bhi man kabhi bhari hone par, do char burayi krne ka man ho jane par wo dusri samne wali jo apki baatein sun rahi thi wo aurat thi na?

Kayi bar usne apki pith thap thapa kr ya phir girne se bachate hue sahara de k, apke sapno ko apki koi khwahish ko pura karne ke liye apki chhoti si madad kar ke, kbhi shopping k bad jyada saman ho jane pr madad ka hath badhate hue ya phir dukandar se apke saman ke liye mol bhao kar k, kuch sasta saman v dilwaya hai na usne?

Bas jarurat hai thoda sabar rakhne ki...is tarah ki soch se aage aur upar uthne ki...

Toh aaj se ye kahna band ki aurat hi aurat ki dushman hoti hai...

Waise shopping jane ka asli maza v kisi aurat ke hi sath aata hai😉😉😉

 Iknow im way more complicated than normal human being

Im too much into writing rather than doin it  

Matlab likhti jyada hoon karti kam hoon

But u r my comfort zone u r mine everything

I need you 

Mujhe mushkil hoti hai ghar pe lgatar same routine follow karte karte i get tired very tired

There r time when few thing haunts me.... I know u dont agree but u mean the world to me...

Kayi bar i feel exhausted

Khud ke liye samay nikalne ka man karta hai 

Aur ye boht rare hai boht hi jyada

bina soche bina stress ke bas ainway hi kahin baithi hoon ye bde dino bad bde saalo bad aaj hua hai jab i was doin nthng but everythng 

 Boht mushkil hai kisi aise prem se bach pana

Jab tumhara premi kavi ho shayar ho

Jiske kavitao ki adat ho gayi ho tumhe

Jiske likhne bhar se duniya ki sabse khas ho jao tum

Jo likhta ho tumhari har baat pe

Aur usse v mushkil hai usse dur jana

Nashe si chadh jati hai uski har kahi hui baat uski likhi hui har baat

Mere Dil ke har tukde ko ek dhaage me piro ke rakhte hai uske ye akshar 

 Ud saku bekhyali me ek bar

Mujhe bas ek jaam ki jarurat hai

Pad saku tere pyar me phir ek bar

Ek aisi sham ki jarurat hai

Dikh raha hai mujhe ye tere gair banne ka safar

Mujhe to bas isi tarah umar bhar tere ehtaram ki jarurat hai

Kuch purane dosto ke nam

 Main wahin khadi rah gayi

Jahan tum chhod gaye the

Sayad upar wale ne wahin khade rahne ki saza ghosit kar di hai mere naam

Sar e aam ahsaas ki numaaish karti hui

pyasi aankhein liye

Mai wahin rah gayi

Jarur kisi pichhle janam ke paapo ki saza dho rahi hoon

Jo mai ab talak

Akele pan ka chola odhe hue

Tarasti aankho se logo ko nihaarte hue

jo ab tak wahin khadi hoon

Is dosti ka khali gullak hath me liye

Jo aate jate logo ke kisse sunte hue

Thodi aur tadap ko jite hue

Mai wahin khadi hoon

Usi akhiri gali ke usi ped ke niche

Jiske bad tumhare aur mere raste alag ho jate the....

Boht dino bad aisa hua ki boht hi araam se baithi hoon mai

Jab kya acha kya bura kya piche chhut gaya kya piche rah jayega ye sab bhul ke mai baithi hoon

Bahar aate hi mai us duniya me wapis aa jati hoon jahan bhoot rahte hain

Alag alag rang birange kapde pehne saje sawre bhoot

Mai bahar aate hi unme se hi ek ho jati hoon

Khud ki likhne pe hi shaq hone lagtaa hai mujhe ki kya ye mai sahi me mehsoos kar v rahi hoon ya maine khud hi ek apni kalpnik duniya bna li hai

Kya ye sach hai

Har bar mai unhi sab sawalo me ghir jati hoon ki ky sahi hai kya galat hai

Pr aaj ki haqeqat ye hai ki sahi galat se pare maine aaj boht dino bad acha mehsoos kia

Alag aacha khubsurat acha ekdam alag

Agar sahi galat sach jhuth vartaman atit aur bhavisya se thodi chhuti mile mujhe to mai kahoon ki haan mai, mai thi

Mai khush thi mai alag thi mai puri ki puri si mai thi....

Letter to my papa

 Papa tum nahi ho to kuch bhi nahi hai mere aas pas

Hamesa man ka ek kona khali hi rah jata hai

Tumse batein karna tumhara sath hona

Kuch bhi nahi

Koi gale lagane wala nahi nahi babu bol ke pyar karne wala nahi koi baat karne wala nahi koi samjhane koi sunne wala nahi

Tum ho ke bhi mere kyu nahi ho papa

Jeewan me kych v galat hota hai to pta hai lagta hai jaise apki hi wajah se hota hai

Ap mere pas hote to aisa nahi hota

Apne mujhe pyar kia hota to aisa nahi hota

Apne mujhe samjha hota toh aisa nahi hota 

Sab de ke phir sab chhin lia upar wale ne ya sayad aap ne

Papa meri kismat aisi kyon hai jahan apka hona na hone jaisa hai bilkul

Dubara janm lu to tum apni beti hi bnana pr is bar mujhe ek mauka dena aur khud ko bhi

Mere pas rahna sirf mere papa ban ke mujhe gale laga ke kahna ki mai hoon na...mai sab sambhal lunga tum chinta mat karo

Aur mujhe apki proud beti ban saku sabit kar saku iska ek aur mauka dena

Meri jaan

 Kuhu

Mujhe to yakeen hi nahi hota ki koi mujhse itna pyar v kar sakta hai jaan

Prem ka jeeta jagta swarup ho tum

Itni chhoti si umar me itni samajh itna sara pyar kahan se  le ke aayi ho tum

Meri beti banne ke liye boht sara thank uou jaan

Tum jis tarah apne har gham har khushi me mujhe dhundhti ho

Mujhse daant khane ke bad bhi meri shikayat karte hue bhi mere hi gale se lag ke jhul jati ho

Kya kahun

Tumhe dekhti hu to lagta hai isse khubsurat kych duniya me nahi ho sakta 

Mai tumhare jaisi beti pa ke dhanya ho gayi meri jaan

Tumhara mere liye prem

Itni samajhdari hai tum me ki sab chaunk jate hain tumhari bato se tumhare bolne ke tarike se

Umeed hai ki mai tumhari brilliancy tumhare intelligence ke sath nyay kar paun

Karna to waise tumhare krishna ko hi hai 

Bas wo mujhe sahi rasta dikhate rahe aur tum duniya ki har uchaiyo ko chhu sako meri jaan

Rat ke 11 vje mma apko sulate hue.......

 Dard hi to hai

Rahne do ise aisa hi

Hara bhara rahe to jyada bhata hai mujhe

kewal bahar se patti kiye jakhmo ka dard

Andar se aur gehra hota jata hai

Aise nasoor ka koi ilaaj nahi

Koi juban nahi koi lagao nahi

Adhure adhure se man ke jakhm 

Jism pe jinke hone ka koi namo nishan nahi

Rishto pe ise thik karne ka koi dabao nahi

Behtar hai ye khulte rahe chubhte rahe aur dikhte rahe

Jakhm hi toh hai inhe rahne do hara

Sachi duniya

 Mujhe ab sach se prem hone laga hai

Janti hoon

Kahi suni baat hai ki sach bolo sach bolo

Pr ye usse v bda sach hai ki sach sabko raas nahi aata hai...

Pr mujhe bebaki sach aur ujale se prem hone laga hai

Dhundhli duniya kayi kahaniya bnati hai

Kayi sapne dikhati aur todti hai pr sach

Un sab pe marham hai

Ek khyal hi ki apko sirf sach dikhaya jaye to aatma sihar jayegi ki jane kya nikal aaye ujale me

Pr mujhe ab sach hi bhala lagta hai

Sach bolte logo ko dekh ke bdi himmat sur khushi hoti hai ki kitna aatmvishwas hota hoga aise logo me jo ye jante hue bhi ki duniya jane kya kar dale kya kah dale pr wo sach bolte hain...

Kash ek aisi duniya mai v bna pati